O vindeiro 15 de novembro, desde as 09.30 ata as 14.00 horas, o CEIP de Ardán celebrará unha gran festa para conmemorar o seu 30 aniversario, unha data especial para este centro educativo, que día a día traballa por ofrecer unha educación de calidade a todo o seu alumnado.
O colexio convida a todos aqueles que queiran a participar desta xornada festiva, que servirá tanto para coñecer o centro na actualidade como para revivir partes da súa historia.
Está previsto que se proxecte un vídeo-presentación do centro e que actúe un grupo de gaiteiros para amenizar o evento. Asemade, haberá pinchos e castañas, típicas desta época do ano, e xogos populares, cos que se poderán entreter pequenos e maiores.
